Бұл бөлім мемлекеттік заңды тұлғалардың және жарғылық капиталында мемлекет қатысуы бар заңды тұлғалардың тізілімдері, сондай-ақ Қазақстан Республикасы Үкіметінің 1998 жылғы 21 наурыздағы №246 қаулысымен бекітілген, Мемлекеттік кәсіпорындар мен мекемелердің, жарғылық капиталында мемлекет қатысуы бар заңды тұлғалардың тізілімін жүргізу ережелеріне сәйкес ұсынылатын олардың қаржы шаруашылық қызметі туралы ақпаратты:
- республикалық меншік объектілері бойынша – экономика секторында мемлекеттік активтерді басқару саласында мемлекеттік саясатты қалыптастыруға уәкілетті мемлекеттік мүлікті және мемлекеттік органды басқару бойынша уәкілетті органның қызметкерлері;
- облыстық коммуналдық меншік объектілері бойынша – облыстық коммуналдық мүлікті басқаруға уәкілетті жергілікті бюджеттен қаржыландыратын атқарушы органның қызметкерлері;
- аудандық коммуналдық меншік объектілері бойынша – аудандық коммуналдық мүлікті басқаруға уәкілетті жергілікті бюджеттен қаржыландыратын атқарушы органның қызметкерлері;
- өзге де мемлекеттік органның қызметкерлеріне – олардың ведомстволық бағынысты ұйымдары бойынша қарау үшін тағайындалған.

Бұл бөлім 2011 жылы мемлекеттік меншік объектілерін сауда-саттыққа қою Кестесіне қосылған мемлекеттік мүлік туралы ақпаратты, соның ішінде мүліктің нарықтық құнын бағалау бойынша Есептерін, сондай-ақ Қазақстан Республикасы Үкіметінің 2011 жылғы 9 тамыздағы № 920 қаулысымен бекітілген жекешелендіру объектілерін сату Қағидасына сәйкес, басылымдық бұқаралық ақпарат құралдарында жарияланатын мемлекеттік мүлікті жекешелендіру бойынша күтілетін сауда-саттық туралы ақпараттық хабарламаларды қарау үшін тағайындалған.

Бұл бөлім Қазақстан Республикасы Үкіметінің 2011 жылғы 28 қыркүйектегі № 1102 қаулысымен бекітілген республикалық мүлікті мүліктік жалдауға (жалға алуға) беру Қағидаларына сәйкес, баспалық бұқаралық ақпарат құралдарында жарияланатын мемлекеттік меншік объектілерін мүліктік жалдауға (жалға алуға) ұсыну тендерін өткізу туралы ақпараттық хабарламаларын, сондай-ақ мұндай объектілер бойынша ақпарат пен материалдарын қарау үшін арналған. Бұдан басқа мемлекеттік мүлікті жалға алушылар олармен жасасылған жалға алу шарттары бойынша, атап айтқанда шарт жағдайлары бойынша, мұндай шарт бойынша есептеулерін, өсімпұл мен мемлекетке бюджетке түскен төлемдер бойынша ақпаратын қарай алады.

Осы бөлім «Концессия туралы» Қазақстан Республикасының 2006 жылғы 7 шілдедегі Заңын іске асыруға әзірленген және республикалық және коммуналдық меншікке жататын концессия объектілері бойынша жасасылған шарттар тізіліміне қосылған деректерді қарау үшін тағайындалған, оны жүргізу Қазақстан Республикасы Үкіметінің 2006 жылғы 23 желтоқсандағы № 1254 қаулысымен бекітілген жасасылған концессия шарттары және ұсынылған мемлекеттік кепілдіктер мен кепілгерліктері тізілімін жүргізу Қағидасына сәйкес, облыстардың (республикалық маңызы бар қалалардың, астананың) жергілікті атқарушы органдары республикалық меншікті басқару құқығын жүзеге асыру жөніндегі Уәкілетті мемлекеттік органмен жүзеге асырылады.

Бұл бөлім «Экономика салаларында стратегиялық маңызы бар меншіктің мемлекеттік мониторингі туралы» Қазақстан Республикасының 2003 жылғы 4 қарашадағы Заңын іске асыруға әзірленген және: - Қазақстан Республикасы Үкіметінің 2004 жылғы 30 шілдедегі № 810 қаулысымен бекітілген меншіктің мемлекеттік мониторингі жүзеге асырылатын экономиканың стратегиялық маңызы бар салаларындағы объектілерінің және олардың аффилиирленген тұлғаларының (жеке тұлғаларын қоспағанда) тізбесін; - меншіктің мемлекеттік мониторингінің электрондық дерекқорына (бұдан әрі – Электрондық дерекқор) қосылған, атап айтқанда мониторинг объектілерін зерттеу нәтижелерін қарау үшін тағайындалған.

«Есептілікті тапсырудың бірыңғай жүйесі (ЕТБЖ)» бағдарламалық қамтамасыз етуі компанияның электрондық сандық қол таңбасы қол қойылған, бағдарламада шаблондар түрінде ұсынылған және оларды электрондық форматта беру, компаниялардың алуан түрлі есептіліктерін дайындау үшін тағайындалған. Бұл ретте компаниялар ЕТБЖ-нен өздері дайындаған есептіліктерін мемлекеттік және орыс тілдерінде басып шығаруға болады, ал ЕТБЖ-не енгізілген есептіліктер нысандарын (шаблондарын) жаңарту немесе жаңа шаблондарды қосу Интернет желісі арқылы автоматтық тәртібінде жүзеге асырылады. Осылайша, есептілікті тапсыру кезінде ЕТБЖ-ін пайдалану толығымен қағазды құжат айналымын алып тастайды және сервер есептілікті тәулік бойы, демалыс және мереке күндерсіз қабылдағандықтан, компанияларға оны кез келген уақытта ұсыну мүмкіндігін береді.

Бұл бөлім жария мүдделі ұйымдарының тізбесін, сондай-ақ «Бухгалтерлік есеп және қаржылық есептілік туралы» Қазақстан Республикасының 2007 жылғы 28 ақпандағы Заңының 19-бабының 7-тармағын орындау үшін Қазақстан Республикасы Үкіметінің 2011 жылғы 14 қазандағы № 1173 қаулысымен бекітілген депозитарийге қаржылық есептілікті ұсыну Қағидасына сәйкес ұсынылатын, олардың жылдық қаржылық есептіліктерін және аудиторлық есептіліктерін қарау үшін тағайындалған.

Бұл бөлім тараптармен бекітілген 1994 жылғы 28 наурыздағы «Байқоңыр» космодромының негізгі ұстанымдары және оны пайдалану жағдайлары туралы келісім шартына және Қазақстанмен бекітілген Қазақстан Республикасы Президентінің 1995 жылғы 17 сәуірдегі № 2195 Жарлығына сәйкес, 1994 жылғы 10 желтоқсандағы «Байқоңыр» кешенін жалдау шартына сәйкес, Ресей Федерациясына мүліктік жалға (жалдауға) берілген Қазақстан Республикасының «Байқоңыр» кешенінде (Қызылорда облысы) мүлігін есепке алу үшін тағайындалған.

Бұл бөлім «Тарихи-мәдени мұра объектілерін қорғау және пайдалану туралы» Қазақстан Республикасының 1992 жылғы 2 шілдедегі Заңын және «Мәдениет туралы» Қазақстан Республикасының 2006 жылғы 15 желтоқсандағы Заңын іске асыруға әзірленген және Қазақстан Республикасы Үкіметінің 2007 жылғы 18 сәуірдегі № 310 қаулысымен орнатылған ретінде, Қазақстан Республикасы Үкіметінің 2007 жылғы 2 қарашадағы № 1032 қаулысымен бекітілген тарих және мәдениет ескерткіштерін айқындау, есепке алу, оларға мәртебе беру және айыру Қағидаға сәйкес жұмыстарын жүргізу нәтижесінде жүзеге асырылатын Ұлттық мәдени құндылық объектілерінің мемлекеттік тізіліміне қосылған халықаралық, республикалық және жергілікті маңызы бар объектілерін қарау үшін тағайындалған.

Бұл бөлім Қазақстан Республикасы Үкіметінің 2011 жылғы 15 шілдедегі № 802 қаулысына сәйкес, мемлекеттік мүлікті есепке алу саласындағы Бірыңғай оператор болып айқындалған және «Мемлекеттік мүлік туралы» Қазақстан Республикасының 2011 жылғы 1 наурыздағы Заңының 200-бабының 9-тармағының 9) тармақшасына сәйкес, мемлекетке тиесілі бағалы қағаздарды номиналды ұстаушы немесе оларға қатысты мемлекеттің мүліктік құқығы бар функциясын жүзеге асыратын «Ақпараттық-есептеу орталығы» акционерлік қоғамының (бұдан әрі - Қоғам) номиналды ұстауына берілген акцияларды ұстаушылардың жеке шоттарын басқару үшін арналған. Қоғам клиенттерінің акцияларын есепке алуын жүргізу, атап айтқанда оларға тиесілі акциялармен мәмілелер өткізу мен олардың құқығын растау Қазақстан Республикасының бағалы қағаздар нарығы туралы заңнамасына сәйкес, атап айтқанда «Бағалы қағаздар нарығы туралы» Қазақстан Республикасының Заңымен және «Номиналды ұстау қызметін көрсететін бағалы қағаздар нарығы кәсіби қатысушыларының бағалы қағаздармен мәмілелерді тіркеу, олардың бағалы қағаздар ұстаушысының жеке шотынан үзінді көшірмені беру және номиналды ұстаушының ақпаратты ашу қағидаларын бекіту туралы» Қазақстан Республикасы Қаржы нарығын және қаржы ұйымдарын реттеу мен қадағалау агенттігі Басқармасының 2006 жылғы 25 ақпандағы №61 қаулысымен жүзеге асырылады.

Бұл бөлім республикалық және коммуналдық (облыстық және аудандық) меншікке жататын жекешелендіру объектілерін сату жөніндегі электрондық аукциондарын өткізу мен мұндай аукциондарда жүйеде тіркелген және сауда-саттыққа қатысу үшін электрондық сұрау салуларын орнатқан мерзімде берген жеке және заңды тұлғалардың қатысуын қамтамасыз ету үшін арналған.

Бұл бөлім мемлекеттің активтері туралы жиынтық ақпаратын қарау үшін арналған, оларды есепке алу «Мемлекеттік мүлік туралы» Қазақстан Республикасының 2011 жылғы 1 наурыздағы Заңының 200-бабының 3-тармағына сәйкес, мемлекеттік органдардың ведомстволық ақпараттық жүйелерінің дерекқорымен біріктірілген Мемлекеттік мүлік тізілімінде қамтамасыз етіледі.