Қазақстан Республикасы Үкіметінің2011 жылғы 15 шілдедегі №802
қаулысына
жарғылық капиталына мемлекет 100% қатысатын «Ақпараттық-есептеу орталығы» акционерлік қоғамы Мемлекеттік мүлікті есепке алу саласында бірыңғай оператор болып анықталды, ол «Мемлекеттік мүлік туралы» Қазақстан Республикасының 2011 жылғы 1 наурыздағы
Заңының
200-бабының 9-тармағына сәйкес:
1) мемлекеттік мүлік тізілімін жүргізу үшін қажетті бағдарламалық қамтылуды әзірлеу, енгізу және жаңғырту жөніндегі жобаны басқаруды жүзеге асырады;
2) мемлекеттік мүлік тізілімін жүргізудің техникалық және бағдарламалық құралдарының үздіксіз жұмыс істеуін қамтамасыз етеді;
3) мемлекеттік мүлік тізілімі веб-порталының жұмыс істеуін және сүйемелдеуін қамтамасыз етеді;
4) ақпараттандыру туралы Қазақстан Республикасының Заңызаңнамасына сәйкес ақпараттық жүйелерді қолдана отырып, мемлекеттік мүлік тізілімі пайдаланушыларына электрондық қызметтер көрсетеді;
5) мемлекеттік мүлік тізілімі пайдаланушыларына Мемлекеттік мүлік тізілімі деректеріне қол жеткізуді қамтамасыз етеді;
6) мемлекеттік мүлікті есепке алу саласында мемлекеттік органдарға кеңестік және тәжірибелік көмек көрсетеді;
7) мемлекеттік мүлікті есепке алуды жүзеге асыру кезінде техникалық жобаларды басқару функцияларын жүзеге асырады;
8) есепке алу объектілері бойынша мемлекеттік мүлік тізіліміне өзгерістер мен толықтырулар енгізеді;
9) мемлекетке, тізбесін мемлекеттік мүлік жөніндегі уәкілетті орган бекітетін немесе оларға қатысты мемлекеттің, квазимемлекеттік сектор субъектілерінің мүліктік құқықтары бар квазимемлекеттік сектор субъектілеріне тиесілі бағалы қағаздарды номиналды ұстаушының функцияларын жүзеге асырады;
9-1) уәкілетті органның лицензиясыз электрондық нысанда мемлекеттік мүлік тізілімівеб-порталын пайдалана отырып, сауда-саттықты жүргізуге байланысты операцияларға қызмет көрсету үшін жеке және заңды тұлғалардың ақша төлемдері мен аударымдары бойынша тапсырмаларын орындау;
10) бірыңғай операторға сенімгерлік басқаруға берілген мемлекеттік мүлік жөніндегі уәкілетті органның аумақтық бөлімшелерінің активтерін тиісті пайдалану жағдайында ұстайды;
11) бірыңғай операторға сенімгерлік басқаруға берілген мемлекеттік мүлік жөніндегі уәкілетті органының аумақтық бөлімшелерінің мүлкін басқару және пайдалану, сондай-ақ мемлекеттік-жекешелік әріптестік саласындағы Қазақстан Республикасының заңнамасына сәйкес жекеше әріптестерге берілген мемлекеттік мүлік жөніндегі уәкілетті органның аумақтық бөлімшелері активтерінің мониторингі бойынша функцияларды жүзеге асырады;
12) мемлекеттік мүлік жөніндегі уәкілетті органның аумақтық бөлімшелерінің оған сенімгерлік басқаруға берілген активтері бойынша мемлекеттік мүлік тізіліміне мәліметтер енгізеді.
